Actualitats
Martin Malvy vòl que s’ensenhe l’istòria del país a l’escòla
Lo president de Miègjorn-Pirenèus demandarà a la ministra francesa de l’educacion un ensenhament sus l’istòria de Lengadòc
Lo president de la region de Miègjorn-Pirenèus, Martin Malvy, demandarà a la ministra francesa de l’Educacion Estatala, Najat Vallaud-Belkacem, que totes los escolans de las regions de Miègjorn-Pirenèus e de Lengadòc-Rosselhon pòscan recebre un ensenhament de doas oras dins los meses que venon sus l’istòria de la nòva region a mand de nàisser (la que resultarà de la fusion de Miègjorn-Pirenèus e Lengadòc-Rosselhon). Aital o anoncièt Malvy en ocasion de l’assemblada plenièra de la region de Miègjorn-Pirenèus, segon çò que rapòrta Toulouse7.
“Dels omeias al Parlament de Tolosa e dels intendents de l’Estat de Lengadòc als trobadors, devèm permetre a las joves generacions de s’apropriar l’istòria millenària e passionanta del nòstre territòri per bastir melhor son futur. Se la ministra e lo rectorat rejonhon aquela intencion, sèm prèstes a participar a la realizacion dels supòrts istorics per acompanhar los escolans e las còlas pedagogicas”.
“Dels omeias al Parlament de Tolosa e dels intendents de l’Estat de Lengadòc als trobadors, devèm permetre a las joves generacions de s’apropriar l’istòria millenària e passionanta del nòstre territòri per bastir melhor son futur. Se la ministra e lo rectorat rejonhon aquela intencion, sèm prèstes a participar a la realizacion dels supòrts istorics per acompanhar los escolans e las còlas pedagogicas”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Ai seguit de luènh lo debat e al fons, es normal que non poscam pas far ensenhar l'istòria regionala, pr'amor que sèm pas una o de regions, sèm una nacion.
Naturalment que la cal ensenhar la història d'Occitània, los trobadors, la lenga, los monuments, que son un patrimoni molts d'eles de la humanitat, sos artistes e pintors,...e una bona tv per poder los occitans mateissos far aquestes programes culturals.
#13 Refusatz de préner en compte ço que diso suu fons, e preferatz de m'atribuar d'atacas personalas que ne son pas (m'acontentavo de vos indicar ont trobar un exemple de ço que chau pas far s'un vol vertadierament far SERIOSAMENT e sens improvisacion d'istoria de l'espaci occitan). Es vostra chausia e vos prometo de la respectar desenant.
D'acordi amb ço que ditz Franc Bardou sus l'absurditat d'una "istoria" d'una region administrativa fabricaa per d'enarcas a bericles dins un burèu dels beus quartiers. Fisat a qu que sieie, aquo dona lo "precis" que citavo.
Hmmm... trapèri un "Mem'Òc" al fons escur d'un CDI un jorn. Era un obratge incomplet mas qu'anava dins la bona direccion me sembla. Li manca de documents, e de referéncias audiovisualas benlèu.
Me demandi un pauc perqué aquel trabalh es pas estat contunhat, perqué pòt ajuda los professors que vòlon o qu'an besonh d'elements d'istòria per bastir lors sequéncias de cors ...
Sens far de cors "d'occitania generala", que serián mai de cors magistrals (e donc que cal evitar), lo cors d'occitan, qué que fagas, passa totjorn per un tròç d'istòria. La màger part del temps se pòt pas far l'estudi de quicòm (un cançon per exemple) sens aver besonh d'elements d'istòria. E pensi que i a un demanda, quitament sosjancenta.
Ca que la, pensi qu'una istòria d'occitania se deu pas far en 2 oras d'un còp (o des còps que i a), mas al fial de sequéncias lingüisticas, tematicas, sus al mens doas annadas.
Francament ieu cresi a las capacitats d'adaptacions dels professors d'istòria per porgir aquelas doas oras d'ensenhament.
Me rementi que lo 16 de setembre de 2009, lo ministèri francés de l'educacion nacionala de Sarkozy demandèt que se faguèsson d'accions pedagogicas a l'entorn de la letra de Guy Môquet, lo jove resistant al nazisme assassinat. Las accions se deviàn debanar lo 22 d'octobre. En un sonque un mes e sens formacion particulara a aquesta temetica, los ensenhaires organizèron aquestas accions pedagogicas.
Vertat es que las instruccions venguèron "d'ennaut", d'un ministre nomentat, e pas d'un president de region democraticament elegit.
http://www.education.gouv.fr/cid48926/mene0900668n.html
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari